Zuzenbide aholkularitza
Kide aholkularitzan enpresa eta gizarte proiektuetan espezializatutako abokatu talde bat ari gara lanean. Proiektua diseinatzeko unetik eta hurrengo fase guztietan lagunduko zaitugu.
Zure enpresaren edo proiektu ekonomikoen forma juridikoa aukeratzeko aholkularitza egokia jasotzea funtsezkoa da ondorengo garapenerako. Merkataritzako forma juridikoa (sozietate mugatua, sozietate anonimoa...), ekonomia sozialekoa (kooperatibak, lan-sozietate mugatuak...) ala gizarte-entitateena (elkarteak, fundazioak...) aukeratzen lagunduko zaitugu zure proiektua forma juridiko egokiarekin has dezazun.
Enpresaren hazkundean, forma juridikoen aldaketetan, baita bidean aurki ditzakezun arazoetan ere aholkatuko zaitugu.
Eragiketa juridiko konplexuak behar badituzu (zatiketak, bat-egiteak...), edo zure proiektuak arazo larriagoak baditu (ez ordaintzeak, hartzekodunen konkurtsoaren beharra...), gure aholkularitza espezializatua izango duzu.
Abokatu taldea garen heinean, gure lana gure bezeroei euren proiektuaren fase guztietan laguntzea eta aholku ematea da.
Ohiko merkataritza-sozietateekin (sozietate mugatuak eta anonimoak) lan egiteaz gain, gure ibilbidearen hasieratik, ekonomia sozialaren aldeko apustua egiten dugu, eta esperientzia handia dugu kooperatiben, lan-sozietateen eta ekonomia sozialaren beste forma juridiko batzuen munduan.
Gure aholkularitza juridikoak honakoa eskaintzen dizu:
- Aholkularitza juridikoa: negozioa sortu baino lehenagotik aholkatzen dizugu. Kontratuak negoziatzen eta idazten lagunduko dizugu, eta gerta litezkeen arriskuen inguruan ohartaraziko zaitugu.
- Prozedura judizialak eta arbitrajea: hornitzaileen edo bezeroen arteko gatazkak konpontzeko prozesuetarako orientazioa.
- Merkataritza zuzenbidea: merkataritza kontratuak idaztea eta berrikustea, besteak beste, negozioen estatutuak aldatzeko edo batzarrak eta kontseilu orokorrak kudeatzeko.
- Zuzenbide zibila: enpresa batek edo autonomo batek duen erantzukizun zibilaren inguruko aholkularitza.
- Lan zuzenbidea: lan arloari dagokion edozein gairen inguruko aholkularitza.
Abokatu batek zure negoziorako erabakiak hartu aurretik legezko informazio guztia argi izatearen lasaitasuna eman diezazuke. Kide Aholkularitzan laguntza hori aurki dezakezu, azalduiguzu zure egoera:
